Category Archives: Satış

MİRF 2016, başqa sözlə İnsana Dəyər…

Category : Böhran , HR , Marketinq , Satınalma , Satış , Ümumi

Artıq sentyabr ayıdır, son rüb adlanan perioda keçiş edirik. Böyük kimi görünən ilin son nəfəsləridir artıq. Bu son rüb ərzində hədəflər, gözləntilər və nəticələr bəzilərimizə müsbət, bəzilərimizə isə mənfi olaraq geri dönəcək.

Bir müəssisənin ilin əvvəli ilə ilin sonu arasındakı hədəfləri, həyəta keçirdikləri politikalar, layihələr, insan resusları ilə əlaqədar investisiyaları və nəticələri, nəticələrin faizinin yüksəkliyi və ya zəifliyi qısa və uzun müddətdə şirkətin yaşam müddətini təyin edir.

İnsan resursunun keyfiyyəti və müddətliliyi müəssisə üçün həyati önəmə sahibdir.  Məlum olduğu kimi ən önəmli məsələlərdən biri də istedadların idarəsidir(talent management). Şirkətlər istedadlı işçilərini itirməmək, doğru vəzifəyə doğru insanı işə götürmək üçün müxtəlif layihələr həyata keçirirlər.

İnsan qaynaqlarının idarəetməsi klassik olaraq kadr tapma və əmək haqqı paylama olaraq başa düşülsə də, şirkətlərin,idarəçilərin ən çox önəm verməsi və investisiya qoyması vacib olan  sahələrdən biridir.

Əslində insan qaynaqları:

  • İstedad idarəsindən performans idarəsinə,
  • Sosial medya tətbiqlərindən müxtəlif  İQ sistemləri və politikilara,
  • Onboarding və təhsil perioduna qədər bir-birindən fərqli önəmli İQ paradiqmalarını əhatə etməkdədir.

Ölkəmizdə getdikcə önəmi artan insan qaynaqlarının qısaca əksikliklərindən danışası olsaq: Azərbaycana məxsus insan qaynaqları sistemləri modelinin yetərincə inkişaf etməməsi, insan qaynaqları sahəsində yetərincə akademik işlərin olunmaması və qaynaqların azlığı, İQ sistemləri ilə əlaqəli proqramların baha olması,  digitaldan yertərincə faydalanılmaması və s kimi bir çox problemləri sadalaya bilərik.

Hər nə qədər bir sürü əksikliklər olsa da yavaş-yavaş insan qaynaqları sahəsində dünyadakı innovasiyaya paralel olaraq ölkə ehtiyacları nisbətində yeni inkişaflar həyata keçməkdə, keyfiyyətli mütəxəssislər yetişməkdə, şirkətlər öz daxilində büdcə ayıraraq İQ şöbələrini yaratmaqdadırlar.

Sevindirici haldır ki, İQ ilə əlaqəli dəyişiklik və yeniliklər il ərzində fərqli tədbirlərlə təqdim olunur, sahəsində professional mütəxəssislər və firma təmsilciləri ilə müzakirə olunmaqdadır.

Bu tip tədbirlərin ən böyüyü və faydalısı şübhəsiz ki Milli İnsan Resursları Forumudur ki, artıq 2-ci ildir ki ölkəmizdə keçirilir. Sahəsinin peşəkarı mütəxəssislərin iştirakı ilə bu il də keçən ilkindən daha faydalı və daha çox iştirakçı qatılımlı tədbir olacağına inanırıq. Ön bilet satışları artıq www.azmirf.com saytından qeydiyyatdan keçəçməklə və +994 51 816 0009 nömrəsi ilə əlaqə saxlanılmaqla başlamışdır.

Marağı olan hərkəsi 22 oktyabr 2016-cı ildə Park İnn oteldə saat 10:00-da başlayacaq tədbirə dəvət edirəm.

Keçən ilki kimi şüarımız dəyişməzdir və inanırıq ki “Səs-küylü yox, faydalı forum olacaq” 


Facebookda diqqətimi çəkən insan tipləri

Facebookda diqqətimi çəkən insan tipləri haqqında yazmaq istəyirəm. Facebookda status olaraq yazmaq istəyirdim,amma uzun olacağını təxmin edib bloq olaraq paylaşmağa qərar verdim. Sırf öz müşəhidələrimdən, real keyslər üzərindən yazacam

 

  • Bu tip insanlar öz profillərini işlədiyi şirkətin rəsmi səhifəsinə çeviriblər. Bunlar adətən orta və kiçik müəssisə sahibləri və ya hər hansı şirkətə yeni işə başlayan  insanlardır. İkinci növ insanlar seçiminə haqq qazandırmaq və bəlkə də şirkətdən gələn “məsləhət” əsasında şirkətin qeyri-rəsmi səhifəsi olaraq fəaliyyət göstərirlər

 

  • Bu kateqoriyaya daxil insanlar müəyyən qrup daxilində like edirlər, xoşuna gəlsin və ya gəlməsin, paylaşılana deyil paylaşan şəxsə görə like edirlər. Bəzi insanların bütün paylaşımlarında həmin insanların bəyənməsini görmək mümkündür. Yəni siz hər hansı sahə və ya hadisə haqqında maraqlı və faydalı məlumat da paylaşsaz, o,  yenə də sizi deyil öz çevrəsindəki insanın  “Tıxac bezdirib” tipində statusunu like edəcək. Bu tip insanların bir xüsusiyyəti də, yaxın çevrəsinin like etdiyi birşeyi əlaqəsi olmasa belə like etməsidir.

 

  • Bu tip insanlar getdikləri toy,ad günü, nişan, 2-3 nəfərlik yığıncaqlardan şəkillər paylaşırlar. Foyedə şəkil, evdən çıxmamışdan qabaq şəkil, “Canım, xoşbəxt ol” tipində statuslar ən bariz özəlliklərindəndir. Ən önəmli xüsusiyyətləri isə, hər gələn dəvətnaməni və getdikləri toyların sayını fəxrlə yazıb “Bu ay 5-ci toydu” “Toylar kralı olmuşam, ehe ehe” kimi statuslar paylaşırlar. Yay aylarını da nəzərə alsaq, ana səhifəmizə təcavüzün şahidi oluruq

 

  • Bu kateqoriyaya aid insanlar selfie xəstələridir. Hərgün müxtəlif formada(dodaq büzmə, ayaqyolu güzgüsü)  şəkillərini çəkərək mətn yerinə hansısa mənalı sözlər yazırlar. Digər bir növləri isə arxa fonlu selfie-lər çəkdirib, mətn yerinə arxa fonun(ağaclar, çay və s.) gözəl olduğunu yazıb, toruna düşəcək sazanlar tərəfindən özlərinə qarşı tərif eşitmək istəyənlədir (Məs: Çay gözəldi,amma sən daha gözəlsən və s.)

 

  • Axşama qədər ölkədəki vəziyyətdən, dolların kursundan 1 dastanlıq status yazıb : “Bizim millətə nə olur yaxşı olur elə” və ya ” Ay camaat oyanın” tipli sözlər favoritləridir

 

  • Bu tip insanlar axşama qədər getdikləri yerləri və maşınlarını reklam edirlər. Maşının 3×4 şəklindən tutmuş, içində mahnı oxumağa qədər hərşeyi edirlər. Maşını bir növ facebooka “parkovka” ediblər

 

  • Bu qrupdakı insanlar profil şəkillərinə, oğlandısa əgər: qəlyanla, toyda kostyumla, maşında uzağa baxaraq, dodağında siqaret, dostunun ofisində kresloda, əgər qızdırsa: kəpənək, göyərçin dimdiyində gül, ərəbcə yazılar, hansısa aktrisa şəkli və s qoyurlar. Sizi bilmirəm, mən birmənalı şəkildə bu tip insanlardan gələn dostluqları qəbul etmirəm

 

  • Diqqətimi çəkən bir tip insan qrupu da, ancaq dini paylaşımlar edənlərdir. profili ancaq Həzrəti Əlinin, Ayətullahın fətva və sözləri ilə doludur. Adətən şərhlərə də dini cavablar yazırlar. İmanlarını sosial şəbəkələrdə kamilləşdirirlər.

 

  • Ən çox yayılan tiplərdən biri də ,tanıdı tanımadı qızların şəklinin altına “Canım supersən” ,  ” İnboxa bax” , “Mənə niyə cavab yazmırsan?” , “Mənim dostum da bu yaraşar” (halbuki tanımır realda) , “Maşallah,Allah nəzərdən saxlasın” (gözmuncuğu şəkli) və s yazan ağzı sululardır(çox vaxt eynəkli,kostyumda daydaylar olurlar).

 

  • Bu kateqoriyadakı insanlar gün ərzində etdikləri hərşeyi raport kimi nöqtə vergülünə qədər yazırlar. Getdiyi yerləri, görüşdüyü dostlarını, yemək və ayaqyolu vaxtlarını dəqiqəsinə qədər qeyd etməmiş yuxu getmir gözlərinə

 

 


Müştərini döyərək razı salmaq

Category : Böhran , HR , Marketinq , Satınalma , Satış , Ümumi

Boks əlcəklərimizi taxmamışdan öncə kimləri döyəcəyimizə yaxşı qərar vermək lazımdı. Bunun üçün əvvəlcə müştərilər niyə alış-veriş edir? sualının cavabını xatırlayaq:

İnsanlar xoşbəxt olmaq üçün alış-veriş edirlər. Alış-veriş üçün əvvəla ortada bir ehtiyac olmalıdır. Bu ehtiyac bəzən müştəri tərəfindən hiss olunursa, heç ağıla gəlməyəcək zamanda da satıcı tərəfindən xatırladıla bilir.

Gözəl görünmək üçün aksessuara ehtiyac olan biri saat aldığı zaman xoşbəxt olur. Aç ikən yemək, susuz ikən su ala bilməyən biri xoşbəxt ola bilməz. Sadəcə sırf eqo üçün də alış-veriş edilə bilir. Nəticədə insanlar alış-veriş etdiklərində sahib olma hiss ilə xoşbəxt olurlar.

Bəzi müştərilər ümumiyyətlə xoşbəxt olmağı bacarmırlar. 

Belə müştərilərə boks əlcəyinizlə sağlı sollu vuraraq xoşbəxt edə bilərsiz. Heçnə olmayacaq. Əksinə sizə təşəkkür edəcək və evə getdikdən sonra aldığı malın ən ideal mal olduğuna özü-özünü inandıracaq (ən idealı olmasa belə)

12

Döyülməli müştərinin hansı olduğuna necə qərar verə bilərəm?

Bu tip müştərilərin tez-tez işlətdiyi bəzi cümlələri paylaşmaq istəyirəm. Bu tip cümlələri eşitsəz əlcəklərinizi taxıb isinmə hərəkətlərinə başlaya bilərsiz.

A) Həqiqətən çox gözəldi. Neynəyim görəsən?

B) Oooo super, çox gözəl… mən bunu düşünəcəm

C) Sektordakı fərqinizi və keyfiyyətinizi çox yaxşı bilirəm amma…

D) Tam mənə görədi amma … hmm … Nəbilim vallah

Növbəti variantları artıq təxmin edə bilirsiz. Göründüyü kimi ortada qərar vermə bilməmə problemi var. İnsanları qərar verə bilmədikləri üçün döyə bilməzsiz. Qərar verməsinə kömək etmək satışın ən önəmli addımlarından biridir. Malı niyə alması gərəkdiyini və niyə sizdən alması gərəkdiyini izah etməyə davam edin.  Ancaq yuxarıdakı variantlarda olduğu kimi , mala inanmış, keyfiyyətinizi qəbul etmiş, doğru seçim edəcəyini bildiyi halda hələ də beynində sual işarəsi qalan müştəriyə elə bir zərbə vurun ki, sual işarələri və mala ehtiyac eyni anda aradan qaldırılsın.

Sizcə zərbə çox incidər?

Burdakı zərbələr, sillə-təpiklər fiziki deyil təbii ki. Demək istədiyim şey əslində müştərinin ertələmək xəstəliyini döymüş olmağınızdır. Mücərrəd bir varlığı sözlü olaraq döyürsüz. Ona görə də heçkimin canı yanmaz.

Yaxşı, bəs ertələmək xəstəliyini necə döyə bilərəm? Nə deməliyəm?

Müştərinin ehtiyacını yaxşıca analiz etdiz, doğru məhsulu birlikdə seçdiz. Məhsulun xüsusiyyətlərini və müştəriyə verəcəyi faydaları tək-tək izah etdiz. Artıq ehtiyac, məhsul və satıvı haqqında sual işarəsi qalmadı. Yaxşı bəs onda niyə hələ də “Alıram” demir?

Bəzi müştərilər heçcür “OK” deyə bilmirlər. Həmişə istəyər amma davamlı olaraq da ertələyər. Belə vəziyyətlərdə necə “OK” dedirtmək lazımdı yuxarıdakı variantlarla açıqlaması aşağıdakı kimidir:

A) Həqiqətən çox gözəldi. Neynəyim görəsən?

Cavab: “Sizin bu məhsula həqiqətən ehtiyacanızı varmı?”

Bu cavab müştərini silkələyir. Bu cavabı müştəri bəzən bu tip başa düşür: “Görəsən özünü boş yerə məşğul etdiyimi düşünür?” Bu vəsvəsə qarşısında müştəri sizə “Bəli var” deyəcəkdir. Arxasıyca “amma” sözünü işlətməmiş siz araya girin ki “Onda sizə kiçik bir endirim edək və ya plastik kartınızla kredit təyin edək”

B) Oooo super, çox gözəl… mən bunu düşünəcəm

Cavab: “Belə bir məhsul haqqında nəvaxtdan düşünürsüz?”

Bu cavab müştərini yuxudan oyadır. Bu sual qarşısında həmişə alışı ertələyən müştəri bunu düşünəcək ki: ” Həqiqətən də 4 aydı alım deyirəm amma ala bilmirəm” Bu oyanış ilə müştəri sizə ” Çoxdandı ağlımdadır” deyəcək. Arxasıyca “amma” sözünü işlətməmiş cümləni siz tamamlayın: ” Siz düşünməyə davam etdikcə yeni mallar çıxır və sizin başınız daha çox qarışır. Bu kampaniya ildə bir dəf keçirilir. Növbəti ilə qədər gözləmək istəməsiz yəqin” kimi cavablarla ona qərar verməsi gərəkdiyini AÇIQ şəkildə xatırladıb satışı uğurla bitirə bilərsiz.

C) Sektordakı fərqinizi və keyfiyyətinizi çox yaxşı bilirəm amma…

Cavab 1: Problem ödəniş çətinliyidir?

Cavab 2: Özünüzəmi güvənmirsiz?

Cavab 3: Sizcə keyfiyyətin maddi önəmi yoxdur? Ucuz məhsul alamq istəyirsiz?

kimi qarşı tərəfə kompleks yaradacaq suallar soruşun. Fərqinizi və keyfiyyətinizi qəbul etmiş bir müştəriyə istədiyinizi elətdirə bilərsiz.  Soruşduğunuz bu suallar daxilində kompleks yaradacaq hətta öz-özünə “Nə əlaqəsi var?” deyəcək.  Sizin eşitdiyiniz isə “Ödəniş məsələsində problem yoxdur, əsas odu xoşuma gəlsin. Özümə güvənirəm. Başqaları necə mən də elə. Ucuz məhsuldan xoşum gəlmir” şəklində olacaq.  Burda da “amma” sözünü eşitməmiş cümləni siz tamamlayın: “Mən də elə düşünmüşdüm onsuz da. Ödəməni necə edəcəksiz?  Nağd ya plastik kart? hansı uyğundu?” deyərək az əvvəlki dediklərində məhsulu alacağını etiraf etdiyini hiss elətdirin.

3-cü cavabdakı “ucuz” sözü əvəzinə  heçvaxt “münasib” sözünü işlətməyin.

D) Tam mənə görədi amma … hmm … Nəbilim vallah

Cavab: Nəyi bilmirsiz? Bu məhsula ehtiyacınız olduğunu bilirsiz onsuz da

Bu tip cavablar ilə müştəriyə bunu demiş olursuz: “Az əvvəl dediz axı tam mənə görədi. Özünü qəbul etdiz bunu. Daha nəyi düşünürsüz?” Siz nə deyirsiz deyin,müştəri verdiyiniz cavabı eynən bu tip anlayacaq. Sözündən geri dönmək istəməyəcək və etiraf etdiyi kimi malı almaq fikriniz dəqiqləşdirəcək.

DİQQƏT!

Yuxarıdakı müştəri döymək metodlarını hamıya tətbiq edə bilməzsiz. Hər müştərini bu tip suallarla küncə sıxışdırmaq istəsəz əks zərbə ilə nakaut ola bilərsiz.  Yazının əvvəlində də qeyd olunduğu kimi “Hansı mütəri döyülmək istəyir?” sualının cavabını yaxşı bilməlisiz. Əsasən qərar verməkə problem çəkən müştərilər satıcı tərəfindən silkələnmək istəyir. Yoxsa başqa cür ehtiyacını təmin edə bilmir. Bu tip müştərilər sizin suallarınız qarşısında narahat olmayacaqdır. Əksinə qərar verdiyi andan etibarən aldığı malın ən idealı olduğuna inanmağa başlayacaqdır. Sizə təşəkkür edəcəyindən əmin olun.


Evdə qalmaqla işdə qalmaq arasındakı əlaqə

Category : Böhran , HR , Marketinq , Satınalma , Satış , Ümumi

Müasir dünyamızda nə qədər yaş irəliləsə də yaşı 35-i keçən hər subayın eşitməmək üçün yolunu belə dəyişdirməyə razı olduğu bir sual var. Nə vaxt evlənirsən? 25-35 yaş arasını sualsız period olaraq düşünək. Yaxşı bəs onda 10 ildir eyni şirkətdə dirsəklərini yara eləmiş lakin heç bir karyera yüksəlişi etməmiş insana niyə eyni şirkətdə və ya niyə eyni vəzifədəsən deyə soruşulmur?

Deyək ki artıq evdə qaldığınızı hiss etdiniz, yaşınız bəlli bir yerə gəlib çatıb və siz öz-özünüzü həyatınızın sonuna qədər bekar yaşamağa inandırdınız. Eyni şirkədə, eyni vəzifədə illərlə qalıb işləyəndə də artıq özünüzü eyni vəzifədə işləməyə eyni şəkildə inandırsız.

Dostlarınızın tövsiyyəsi ilə kimlərləsə görüşüb tanış olduz, kiminin boyunu, kiminin çəkisini bəyənmədiniz və ümumiyyətlə nəyisə yoxlamaq belə istəmədiniz. Valideynləriniz hər evə gələndə “Balam, rahat ol, biz varıq, biz səni çox sevirik” dedi. Siz də “anam məni bu qədər sevir, o 100 % mənə kimisə tapar” deyə düşündünüz.

Buna paralel olaraq iş həyatında isə, dostlarınızın “daydaylı”” və “tapşırıqlı” iş təklifləri sayəsində görüşmələr etdiz, həmişə indiki işinizlə müqayisə etdiz və olmadı. İşə qayıtdıqda müdiriniz otağına çağırdı və sizi çox sevdiyini dedi.

Qohumlarda da bu tip işlərə baxan biriləri olur mütləq. Sizə kömək edəcəkdi evlənmək üçün, sizi çox istəyirdi amma onun da ananızla dedi-qoduya görə arası pisləşdi birdən-birə.

Eyni vəziyyət karyeranızda da baş  verə bilər. Müdiriniz sizi çox istəyərdi,  siz deməsəz belə sizin karyeranızı düşünəcəyindən əmin idiniz. Amma illərdi sizin fərqinizə varacağını düşündüyünüz müdir birdən-birə işindən ayrılır.

İllərdir tanıdığınız  amma həmişə dost olaraq gördüyünüz biri var idi, birdən-birə ağlınıza gəldi və niyə onunla birlikdə olmağı düşünmədiyinizin cavabını özünüz də tapa bilmədiz. Vaxt itirmədən zəng vurduz, həftəsonu filmə dəvət etdiz amma “bu həftəsonu nişanım var,gecikmisən” cavabını aldız.

Eyni vəziyyət iş yerinizdə də yaşana bilərmi? Eyni işi görməkdən bezdiz və illərdir eyni vəzifədə işləyərək səhvmi etdiyiniz düşünərək direktorun yanına getdiz və artıq karyeranızı dəyişdirmək istədiyinizi dediz. Direktor da eyni sürətlə sizə: ” Keçən ay şirkətimiz xarici bir şirkət aldı, cavan və savadlı insanları vəzifələrə gətirəcəklər, mənim öz taleyim belə dəqiq deyil, sən də başını aşağı sal işini gör” dedi.

Belə dostlar, unutmayaq ki, həyat bizə imza qarşılığında verilməyib.  Əgər özünüzə güvənirsizsə, lazımı savad və işlərinizlə artıq karyera qurmağınızın lazım olduğu hiss edirsizsə, deməli artıq karyera qurmaq zamandır! Eyni şirkətdə, eyni şöbədə və eyni peşədə olmaya bilər, yetər ki hədəfiniz qəti olsun və bu hədəfi lazımı insanlara çatdırmaq üçün gərəkli addımları atmağa başlayın…


Enerji içkiləri və reallıq

Category : Böhran , HR , Marketinq , Satınalma , Satış , Ümumi

Bu yazıda keçən dəfə Ramil bəyin paylaşdığı və özümün də hər dəfə şahidi olduğum enerji içkiləri məsələsinə toxunmaq istədim. Bir çox qaynaqdan araşdırma edib araşdırdım, maraqlıdırsa nəticələrini sizinlə  paylaşmaq istəyirəm.

Bu yazıda enerji içkisi nədir sualının cavabından, enerji içkilərinin içərisindəki maddələr və təsirlərinə, enerji içkiləri zərərlidirmi sualının cavabından, enerji içkiləri ilə bağlı edilmiş araşdırmalara qədər bir çox mövzuya toxunacam.

ENERJİ İÇKİSİ NƏDİR?

Enerji içkisi mental və fiziki bacarıqların bəzilərini inkişaf etdirdiyi iddia edilən bir çox maddənin istifadə edildiyi bir mayedir.

ENERJİ İÇKİLƏRİ ZƏRƏRLİDİRMİ?

Bunu yazmadan əvvəl qeyd edim ki, heçbir firma ilə müqaviləm yoxdur. Nə enerji içkisi nə də başqa biri ilə. Heçbir şirkəti qorumağa çalışmıram, araşdırdıqlarımdan(internet üzərindən) yazacam.

İndi isə keçək enerji içkilərinin ziyanlarına. İçindəki maddələri tək-tək yazının irəliləyən hissələrində açıqlamağa çalışacam amma bilmənizi istədiyim bir məqam var.

Tərkibində tövsiyyə olunmayan bir çox maddə var. Bu maddələr zamanla və dozadan artıq olduqda bizə zərər verə bilər. Aşağıda bir ara məhşur,sürətlə yayılan bir video var, amma inanmıram ki enerji içkisi insanı bu hala sala bilsin.

(Video həssas insanlar və uşaqlar üçün uyğun olmaya bilər)

Youtube-da bu məsələ ilə əlaqəli bir çox video var və 24 redbull içən bir insanın sonu kimi qələmə verilir.  Amma reallıq fərqlidir. Çox güman ki avtoqəza nəticəsində qabırğaları qırılaraq xəstəxanaya gətirilən biridir, enerji içkisi ilə yaxından uzaqdan əlaqəsi yoxdur.

wrwerwe

Nəticə olaraq enerji içkisinin içərisində süni dadlandırıcı və performansı artıracaq bir çox maddə var, hansı ki bunlar sağlam yaşam üçün qəbul ediləcək şeylər deyil.

ENERJİ İÇKİLƏRİNİN İÇƏRİSİNDƏ NƏ VAR?

Demək olar ki çox bütün enerji içkilərinin tərkibinə baxdım, gəlin sizə tərkibində nələr var tək-tək yazım:

Taurin: Zehni inkişafa kömək edən, qandakı mineral duz və su tarazlığını saxlayan bir amino turşudur. Yediyimiz qırmızı ət və balıqlarda təbii formada olur. Deyilənə görə ana südündə də bir miqdar taurin olur.

Kofein: Metobolizma və yağ ərinməsini sürətləndirdiyini bildiyimiz kofein ayrıca mental olaraq fokuslanma gücünü artırır.

Yerba mate: Təsir baxımından kofeinə çox bənzəyir amma təəssüf olsun ki o qədər də geniş məlumat mövcud deyil.

Guarana: Kofein tərkibli və kofein təsirli bir maddə daha. Gündəlik dozası ilə bağlı elə də əldə tutulacaq bir araşdırma yoxdur.

Enerji içkilərin çoxunda bu əsas maddələr mövcuddur. Təbii ki bəzi məhsullarda bəzi maddələr əksik və ya fərqlidir.

Burada diqqət çəkiləsi nüans isə çox maddənin stimulan(aktivləşdirici) xüsusiyyətlərinin olması və günlük istifadə miqdarı ilə bağlı araşdırmaların olmamasıdır. Bu məqəmda təhlükə özünü göstərməyə başlayır. Çünki neçə ədəd içsəz və nə ilə birləşərsə təhlükəli olar barədə məlumatınız yoxdur.

Tək başına turşu və zərərsiz birləşmələr olduğu üçün diqqət çəkməyən bu maddələrin birlikdə eyni içki içərisində olduqda hansı vəziyyətin yarandığı ilə bağlı heçkim əvvəldən bilə bilmir.

MƏŞQ PERFORMANSI VƏ ENERJİ İÇKİLƏRİ

Məşqdən əvvəl enerji içkisi məşq performansına təsir edirmi və ya nə qədər edir? Çoxuna maraqlı olan bu sualın araşdırmasına baxaq:

15 aktiv gənc üzərində enerji içkisinin məşq performansı və əzələ dayanıqlılığına təsiri üzərinə test edilib. Çəkisinin hər kq-na görə 2 mg kofein içən və plasebo içkisi içən 2 qrup arasında məşq performansı wingate testi ilə, əzələ dayanıqlılığı isə bench press vəsitəsi ilə ölçülüb.

Nəticə olaraq enerji içkilərinin əzələ dayanıqlılığını 6% artırdığı, məşq performansını isə dəyişmədiyi ortaya çıxmışdır.

Wingate-testi

Wingate testi bu cür aparılır

Burada heçbir halda məşqdən qabaq enerji içkisi içilməyi tövsiyyə edilmir. Qəbul olunan aktivləşdiricilər ilə birlikdə məşq zamanı vəziyyətdən asılı olaraq bədənə zərəri ola bilər.  Nəticə olaraq,enerji içkilərinin çevikliyə təsir etmədiyinin şahidi oluruq.

ENERJİ İÇKİLƏRİNİN ARIQLAMAĞA TƏSİRİ

Enerji içkiləri metabolizmanı sürətləndirdiyi və termojenik(yağ yandırıcı) təsirinin olduğu iddia edilir. Edilən araşdırma nəticəsində:

Ağır çəkili 30 qadın və 30 kişi 2 qrupa bölünərək  termojenik təsiri ilə bağlı 28 gün ərzində test aparılıb .

Enerji içkisi və az kalorili dietik yeməklərin yeyən ilk qrupun 28 gün ərzində plasebo içkisi içib az kalorili dieta saxlayan qrupa nəzərən:

  • Enerji itkisi əmələ gəldiyi
  • Daha çox yağ yandırdığı

ortaya çıxmışdır. Nəticə olaraq xroniki enerji içkisi istehlakı az kalorili dieta ilə birlikdə yağ yanmağını və çəki azalmasını artırdığı görülmüşdür. Amma bu qısa müddət üçün olan testdir, uzun müddətli test nəticələri mövcud deyil.

ENERJİ İÇKİSİ VƏ SPRİTLİ İÇKİLƏRLƏ QƏBULU

Enerji içkiləri dolayı yollarla sərxoşluğa şərait yaradır. Çünki kofein dozası yüksək olan enerji içkisinə spirt qarışdıraraq içmək, yorğunluq hormonu olaraq bilinən kortizol hormonunun iş fəaliyyətini itirməyinə və hormonik pozğunluğa gətirib çıxarır, beləliklə də sərxoş olduğunu hiss etməyən, spirtin təsirini hiss etməyən insan daha çox içir və bu vəziyyət içki zəhərlənməsinə  də gətirib çıxara bilir. Buna görə də enerji içkilərinin içinə spirt qarışdırılmaması və spirtli içki ilə birlikdə içilməməsi tövsiyyə olunur.

NƏTİCƏ OLARAQ:

  • Enerji içkiləri, tərkibindəki bir çox maddə ilə sağlam yaşam üçün elə də ümidverici birşey kimi görünmür.  Bununla yanaşı heçbir enerji içkisi sizi öldürməz.
  • Enerji içkiləri möcüzəvi bir məhsul deyil. Normal həyatınızda etmədiyiniz şeyləri elətdirməz
  • Arıqlamaq və məşq performansı mövzusunda ala biləcəyiniz təsiri evdə də təbii yollarla bəzi qarışımlardan ala bilərsiz.
  • Enerji içkilərinin spirtli içkilərlə qəbulu zəhərlənməyə qədər gedib çıxa bilir

İşçinin faydasız olmasının əsas səbəbləri

Category : Böhran , HR , Marketinq , Satınalma , Satış , Ümumi

Əvvəlcədən deyim ki, “o boyda” şirkəti idarə edib “o boyda” problemlərini görə bilməyən insaların OXUMAMASI gərəkən bir yazıdır.

 

Müəssisə: mülkiyyət formasından asılı olmayaraq ictimai tələbatın ödənilməsi və mənfəət əldə edilməsi məqsədilə məhsul istehsal edən, satan, müvafiq iş və xidmətlər yerinə yetirən hüquqi şəxs olan müstəqil təsərrüfat subyektidir.

Bir xidmət varsa, yalnız müştərilər deyil,müştəriyə xidmət edənlər də tətmin olmalıdır. Çünki müəssisə həm istehsalçıya həm də müştəriyə fayda verməlidir.

Yaxşı, bəs burdakı fayda sözü nə məna daşıyır?

Fayda: mal və ya xidmətin ehtiyac qarşılama xüsusiyyəti ilə insan həyatına qatdığı dəyərdir.

Maaş almaq,aldığımız firmadan əldə etdiyimiz faydadır. Bəs bu yetərlidirmi? Məncə yox,çünki bir işin insana verəcəyi fayda tək maaşla ölçülməməlidir. Maaş onsuz da bir müəssisənin hər hansı bir işi görməsi üçün işçisinə verməyə məcbur olduğu bir öhdəlikdir.

Müəssisələrin daha çox istehsal etmək, istehsal etdiklərinə müştəri tapmaq və daha çox pul qazanmaq üçün faydalı işçilərə ehtiyacı var. Hədəfinə çatmaq istəyən iş yerləri sahib olduqları biznes baxışını işçilərinə mənimsətməli, işçisini müəssisənin bir parçası halına gətirməlidir. Bunun üçün də motivasiyanın şərt olduğunu inkar edən tapılmaz hərhalda. Bunu bacaran firmalar onsuz da indiki zamanda bizim istehlak etdiyimiz markaların sahibləridir.

Ya bunu bacarmayan firmalar? Eqoist rəhbərləri və ya eqoist idarəçiləri olan şirkətlər haralarda səhvlər edirlər?

Personalı faydasız olan firmaların ortaq xüsusiyyətləri

1- ŞƏFFAF OLMAMAQ

Personal müəssisənin bir parçasıdır və müəyyən işləri görməklə məsuldur. İşin parçası olan hər bir fərd də o işi niyə görüdüyünü bilmək istəyər.  “Sən işini gör, qalanı sənlik deyil” düşüncəsi şəffaflıqdan uzaqdır və motivasiyanı azaldan faktorlardandır. Şirkətinizin maddi qaynaqları da mümkün olduğu qədər anlaşılır olmalıdır. Personal, “niyə bu işi məndən istəyirlər?” və ya “bu iş üçün niyə ekstra pul almıram?”  kimi suallara cavab axtarərkən yalnış şərh edib öz daxilində qeyri-sabitlik yarada bilər. Eyni şəkildə iş yoldaşları ilə dedi-qodu edib düzgün olmayan bir düşüncəyə inana bilərlər. Nəticə olaraq, personalı yetərincə məlumatlandırmamaq(şəffaf olmamaq) bir müəssisənin özünə verə biləcəyi ən böyük zərərlərdən biridir.

2-QAZANCI DOĞRU PAYLAŞMAMAQ

Müəssisə rəhbərləri qazandıqları pulu tək başına qazana bilmədiklərinə görə, işi icra edən hərkəsə pay verməlidir. Sərmayə sahibi olmaq pulunu hamısında haqq sahibi olmaq mənasına gəlmədiyi kimi böyük bir qisminə də sahib olmaq mənasına gəlmir. Aşağı maaşla işlədilən işçilər həmişə narahatdır.

Müəssisənin standart performansını aşması, digər aylara görə daha çox qazanc əldə etməsi gəlirin bir miqdarının  işçilərə paylanılması məcburiyyətini də özü ilə gətirir. Personalına mükafat, bonus və bunun kimi sabit maaşa əlavələr etməyən müəssisələr avtomatik olaraq özü  eyni müvəffəqiyyətin təkrar edilməsinin qarşısını alır.

3-VƏZİFƏ YÜKSƏLTMƏMƏK / KARYERA İMKANI YARATMAMAQ

İşini artıqlaması ilə görə işçinin “vaxt öldürən” işçi ilə fərqi olmalıdır. Mükafatlandırmağın ən yaxşı üsüllarından biri də vəzifə yüksəltmək və ya ekstra səlahiyyətlər verməkdir. Bunun əksini edən şirkətlərdə ümumiyyətlə motivasiyadan danışmaq yersizdir.

4- İŞÇİLƏRİN FİKRİNİ ÖNƏMSƏMƏMƏK

İdarəçi və işin sahibi olmaq, hərşeyin ən yaxşısı bilmək, işçilərin fikrini önəmsəməmək halına gətirib çıxara bilir təəssüf ki. İş həyatını bir kənara  qoysaq, önəmsənmək insanın öz təbiətində var Hər bir fərd yaşadığı sosial mühitdə önəmsənməyi arzu edir. Fikirlərinə hörmət qoyulmayan, dedikləri ciddiyə alınmayan və ya heçbir şəkildə söz haqqı verilməyən insanlar daha pessimist və aqressiv olurlar.

Müəssisələrin işçilərinə söz haqqı verməməsi həm personala həm də şirkətə böyük zərər verə bilir. Personalın iş haqqında həqiqətən faydalı ola biləcək fikirləri ola bilər, nəticədə bu işin içərisindəki insandır. Bu fikirləri dinləmək , qeyd etmək, lazım olsa isə praktikaya keçirmək mümkündür.  Bu o demək deyil ki işçilərin bütün fikirlərini mütləq qeyd edib icra etmək lazımdır. Amma bunu da dinləmədən bilmək olmur.

5- BİRDƏN ÇOX İNSANA MƏRUZƏ ETMƏK

Üstdən aşağıya doğru səlahiyyətlərin azaldığı bir sxemdə hər işçi bağlı olduğu bir üst quruma tabe olmaq və məruzə etmək məcburiyyətindədir. Ancaq bəzən tabe olduğun insanın da bir üstünə raport etmək çəkilməz hal ala bilir.  Normalda isə siz öz tabe olduğunuza, tabe olduğunuz isə özünün tabe olduğu bir üst vəzifəyə raport verməlidir. Əks halda vəzifə üçbucağının ən altındakı biri rəhbərə qədər hamıya tək-tək məruzə etmək məcburiyyətində qalacaq.

Eyni şəkildə hər hansı biri işin nəticəsi ilə bağlı  hər idarəçi tək-tək sorğu sual etməməlidir. Məsələn bir problem olduqda hər idarəçi tək-tək məzruzə istəmək yerinə, sizin tabe olduğunuz insanla əlaqəyə girməlidir. Personalın birdən çox idarəçiyə sahib olmağı, hər idarəçiyə ayrı-ayrı hesabat verməsi və birdən çox insan tərəfindən ayrı-ayrı yönləndirməsi istər istəməz işçidə daxili narahatlıq yaradacaq. Bu da işçinin FİƏ-sinin düşməsinə səbəb olur, işçini  işindən bezdirəcək önəmli faktora çevrilir.

6-HƏDDİNDƏN ÇOX MÜDAXİLƏCİ OLMAQ

İşin icraatı prosesində qatı olmaq, heçbir işçinin öz tərzində işləməyə icazə verməmək iş mühitindən daha çox əsgərlik rejiminin yaranmasına gətirib çıxarır. Bu daha çox satış menecerlərinə təsir edir. “Müştəriyə əvvəlcə bunu de” “O sözün əvəzinə bu sözü işlət” “Mən həmişə belə satış edirdim” tipli müdaxilələr tez-tez təkrarlandığı iş mühitlərində satış menecərlərinin öz şəxsi ünsiyyət bacarıqları zamanla zədələnməkdədir. İdarəçinin bir növ  “QAYNANALIQ ETMƏSİ” personalı işdən soyuda,FİƏ-sinin aşağı düşməsinə səbəb olacaqdır

7-AİLƏ ŞİRKƏTİNİ AŞIB NƏSİL SİSTEMİNƏ KEÇMƏK

Məsələn şamaxılı(özüm şamaxılı olduğum üçün) bir rəhbərin şirkətində bütün şöbələrinin başında şamaxılı bir idarəçi varsa orda problem var deməkdir. Belə şirkətlərdə karyera imkanlarından öncəliklə rəhbərin nəsil ağacı istifadə edir. Bu situasiyanın şirkətlərə 2 fərqli tərəfdən bariz zərərləri var:

  1. Digər işçilərin karyera ümidlərinin puç edərək motivasiyalarını azaltmaq,buna bağlı olaraq da FİƏ-sini aşağı salmaq
  2. Savad və iş görmək bacarığı daha aşağı insanları idarəçi edib işlərin gedişini axsatmağa səbəb olmaq.

Yalnış insanların idarə etdiyi və karyera imkanlarının “müqəddəs nəsil ağacına” bağlı olduğu şirkətlərdə işçilərdən faydalı olmağı gözləmək məntiqsizlikdir. Belə bir iş mühitində karyera ümidləri işçilər üçün mümkünsüz olacaq və daha yaxşı şərtlərlə iş tapdığı təqdirdə iş yerini dəyişmək istəyəcəkdir.

8-ƏMƏK HAQQINI DAVAMLI GECİKDİRMƏK

Personalın maaşını gecikdirmək həm şirkətin imicini zədələyir həm də işçini pis vəziyyətə salır. Sabit maaşla işləyən insanlar xərclərini və ödəmələrini maaş gününə görə təyin edirlər.

İnsan təbiətinə görə qeyri-müəyyənlikdən xoşlanmır. Əmək haqqının verilməməsi bir problem ikən, nə qədər gecikəcəyinin də deyilməməsi ayrıca bir problemdir.

Personalın özəl həyatında baş verən problemlərin qaynağı işlədiyi şirkətdisə bunun hesabının da şirkətə kəsilməsi təbii haldır. Fikirləri qarışıq, özünü güvənsiz hiss edən bir işçidən də fayda gözləmək dəvəyə xəndək tullandırmaq qədər çətin birşeydir.

Əmək haqqını davamlı gecikdirən şirkətlər güvənsizlik yaratdığı üçün işçilər də gələcəyini riskə atmaq istəməyəcəkdir. Buna bağlı olaraq da bu tip şirkətlərdə gələcək xəyal etmək mümkünsüzdür. Şirkətin gələcəklə bağlı planlarına ortaq olmayan personaldan daha yaxşı işləməyini və sədaqətli olmağını gözləmək xəyalpərəstlikdən başqa birşey deyil.

Siz də personal sirkulasiyasını artırmaq, davamlı olaraq yeni insanlarla işləyib ekstra xərcə düşmək, faydasız iş mühiti yaratmaq və şirkətinizin gələcəyini baltalamaq istəyirsinizsə bu 8 maddəni etina ilə birəbir tətbiq edə bilərsiz

Xeyirli işlər 😉


İçərisində gizli mesaj olan 10 məhşur loqo

Category : Böhran , HR , Marketinq , Satınalma , Satış , Ümumi

Yazıda içərisində gizli mesaj olan 10 məşhur loqodan bəhs edəcəyəm .Demək yerinə düşər ki, bəzləri “gizli” deyillər amma ağıllı dizaynın sadə məhsullarıdırlar.

1. VAIO

92807643-3f29-481d-a24b-229ac9628f50

İlk baxışdan sadəcə VAIO görünür, amma bir az da yaxınlaşdırıb baxanda, ilk iki hərf analoq simvolu təmsil edir, son iki hərf isə rəqəmsal simvolu.

2. Baskin Robbins

3f2a3c66-bb94-4bdc-a83f-903328c3cb19

Çəhrayı rəngdə vurğulanan sahəyə nəzər yetirin. ? 31 ədədi təklif etdikləri ətirlərin sayıdır

3. Amazon

1efcf78d-db0f-4317-828d-192fb29e854f

Amazonun loqosuna ilkin baxanda düşünə bilərsiz ki, ox işarəsi gülümsəyən üzə bənzəyir, mənası isə  o deməkdir ki, Amazon öz müştərilərini xoşbəxt etmək üçün mövcuddur. Bunu da əlavə edim ki, a-dan z-yə qədər uzanan ox işarəsi Amazonun satışdakı çeşidliliyinin a hərfindən z hərfinə qədər olduğuna da işarə edir.

4. Google

e64dfac4-41ea-43fc-bdd7-028bf7252cbc

Heç fikir vermisiz ki Google ardıcıl 4 ana rəngdən sonra 2-ci dərəcəli rəng istifadə edib? Bu tamamilə qəsdən olunub. Google göstərmək istəyirdi ki, onlar qaydalar ilə oynamırlar.Buna görə də onlar sadə hərflər və rənglərdən istifadə ediblər

5. Pepsi

6441d555-b415-41ef-b40f-6399b037ad74

2008-ci ildə Pepsi yeni loqo (soldakı köhnə,sağdakı yeni) dizayn etmək üçün Arnell Associates-ə 1 milyon dollar pul ödədi. Buna görə də Pepsi rebrendinq üçün hər şeyə yenidən milyonlarla pul ödəməli idi. Arnell-in  “Dizayn Strategiyasının Ruhu” adlı proyekti ictimaiətə təqdim olundu . Təklif olunan o idi ki, yeni loqo bir növ Da Vinçinin Şifrəsi olmalı idi. Arnell-in proyektinə görə, Pepsinin logosu Feng shui, İntibah dövrü, Nisbilik nəzəriyyəsi, Kainat və başqa faktorlara görə hazırlanmışdı. Çıxan nəticə isə bu idi: Loqo kainatın açarıdır.

6. IBM

fcb76a79-26dd-4fc7-b66f-305dbb047168

IBM-in,şirkəti təmsil edən Böyük Mavi loqotipində bütün dünya üçün gizli mesaj mövcuddur . Sağ aşağı hissədəki ağ xəttin keçdiyi hissə bərabərlik(=) işərəsinə bənzəyir

7. Unilever

c22c0a06-39b1-4e4e-bafe-0db9afeca8a9

Unilever o qədər müxtəlif məhsullar istehsal edir ki, bəzən hər şeyi yadda saxlamaq çətin olur.Bəxtimiz gətirib ki, istehsal etdikləri hərşeyin simvolları loqoda mövcuddur.

8. Toyota

3b557ddd-08d9-44bb-9430-0572be71ee55

Toyotanın loqotipində olan üç ellips üç ürəyi təmsil edir: müştərinin ürəyi, məhsulun ürəyi və texnologiya sahəsindəki tərəqqinin ürəyi

Bunlar bilinəndir,bəs bilinməyənləri? Çox az adam aşağıdakı şəkildəkindən xəbərdardır:

0a49e666-6922-4afc-9ccf-906c75e8c8c1

9. Coca Cola

68650888-7f83-4bd2-9549-29eec6fd42aa

Coca Cola sözündəki “o” hərfinə yaxından baxın. Nəsə qəribəlik hiss edirsiz?  Etmirsizsə eybi yox, çünki insanların əksəriyyəti bunu hiss etmir. Bu, əslində Danimarkanın bayrağıdır.Amma bu əvvəldən düşünülmə birşey deyildi. Coca Cola sonradan fərqinə vardı ki, onun loqotipinin bir hissəsi əslində yer üzündə ən xoşbəxt ölkə adını daşıyan Danimarkanın bayrağı kimi görünür.

e3ac8cd5-9567-495c-adee-e187e4b1d4fe

10. FedEx

d13a9c5c-ab58-4323-9975-ee4e893e5c2b

Fedex-in loqosu kreativ nümunələrdəndir! İlk baxışdan iki müxtəlif rəng görünür, ancaq daha diqqətlə baxanda “E” və “X” hərfləri arasındakı boşluqda ox işarəsi var,hansı ki şirkətin uzaqgörənliyinin və gələcəyə dair proqnoz irəli sürməsinin simvoludur.


Güclü Sadəlik

Category : Böhran , HR , Marketinq , Satınalma , Satış , Ümumi

Sadə olmaq ucuz olmaq demək deyil!

Bir çox brend, boşluğun təhqir edici olduğunu düşünür və ağ sahə ilə bağlı ciddi şübhələr içində yaşayıb yaradıb gedirlər. Bu şübhə zamanla markalara, qarmaşıqlığın trend olduğuna inandırır və bir çox PR vasitəsi zamanla başa düşülməz hala gəlib çıxır. CEO isə sadəlik mövzusunda Apple nümunələri verərək səhər stolunun üstünə qoyulmuş sadə işi geri çevirməklə günü tamamlamağa çalışır. Hədəf kütlə isə “çox məşğulam” düşüncəsi ilə küçədən keçərkən reklama baxmadan yoluna davam edir.

Qaqa, orası boş qalıb e! Amma orda ağ rəng var axı müəllim?!

Qrafiq dizaynda verəcəyiniz mesajı çatdırmağa xidmət edən ən gözəl arxa fonun ağ rəng olduğunu desək yanılmarıq yəqin. Mediadakı vizualların demək olar ki çoxu diqqət çəkmir, bunun da səbəbi mətnlərin ağırlığıdır.Ölkəmizdə də bir çox media quruluşunun səhifə dizaynları qarmaşıq olduğundan əsas diqqəti çəkən reklamlar fikir vermisizsə əsasən sadə olanlardır. Eyni zamanda buna açıq hava və digital da daxildir.

Tövsiyyə

Brendin, hədəf kütlə ilə arasındakı bütün küskünlük və gərginliyin “sadəlik” ilə həll olunacağını düşünənlərdənəm. Xüsusilə də kampaniyalarına ciddi büdcə ayıran şirkətlərin qarşılarına gələn təkliflər arasından qarmaşıq olanları (grift) seçmələrindəki əsas səbəblər:  1) Pulumuz boşa gedir?  2) Hədəf kütlə görəsən mesajı başa düşəcək?  3) Müdirim bunu 100% bəyənməyəcək,çox sadədir və s. və s. Əmin olun ki, hədəf kütlə sizi anlayır, həm də ilk insan  Adəmdən bu yana


“Content Marketing”-də rənglərin yeri

Category : Böhran , HR , Marketinq , Satınalma , Satış , Ümumi

Mark Zuckerberg-in qırmızı-yaşıl rənk koru olduğunu bilirdiz? Mavi, Zuckerberg-in ən yaxşı görə bildiyi rəng olduğu üçün facebookun da mavi olmağı təsadüfi deyil. Əslinə baxanda günlük həyatımıza da buna oxşar məntiq hakimdi. Bizlər, özünü bizə göstərə bilən rəngləri görür,onlar sayəsində təmsil etdikləri markalar haqqında nəyisə düşünüb hiss edirik. Buna görə də marketinq fəlsəfəsi və icraatlarında rənglər həmişə mühüm yer tutmuşdur.

Rənglər müştərinin(istifadəçinin) diqqətini çəkir, rəqiblərinizə görə fərqlilik yaradır, yadda qalmağı və iştirakı(kampaniya və s) artırır. Bundan da əlavə düşüncə və davranışlarımız üzərində  fərqində olmadan təsir gücünə malikdir. Bu tip güclü bir faktoru düzgün işlətmək marka və content üçün mühüm rol oynayır.  Fərqli araşdırmalar və statistikalar daha konkret bir nəticəyə gəlməyə kömək edəcək:

  • Aparılan statistikaya görə, iştirak edənlərin 92,6%-i rəng və görünüşün satınalma qərarlarına təsir edən ən önəmli faktor olduğunu hətta dad və qoxu kimi faktorları üstələdiyini etiraf ediblər.
  • Hər 3 istehlakçıdan 2-si tərcih etdikləri rəngdə olmadığı təqdirdə böyük ev alətlərini almamaqdadır.
  • Impact of Color in Marketing adlı araşdırmaya görə ,məhsulla bağlı 90% fikir rənglərə görə formalaşır.
  • Rənglər bir markanın  görülməyini(fərq edilməyini) 80% artırır.
  • Ən əsası isə rənglərin sözlərlə uyğunlaşdığı araşdırmalar ilə sübut olunmuşdur:

Güvən: Mavi (34%), Ağ (21%), Yaşıl (11%)
Təhlükəsizlik: Mavi (28%), Qara (16%), Yaşıl (12%)
Sürət: Qırmızı (76%)
Ucuzluq: Narıncı (%26), Sarı (22%), Qəhvəyi (13%)
Yüksək Texnologiya: Qara (26%), Boz (23%)
Yüksək Keyfiyyət: Qara (43%), Mavi (20%)
Güvənirlilik: Mavi (43%), Qara (24%)
Cəsurluq: Bənövşəyi (29%), Qırmızı (28%), Mavi (22%)
Qorxu/ Terror: Qırmızı (41%), Qara (38%)
Əyləncə: Narıncı (28%), Sarı (26%), Bənövşəyi (17%)

11111

Gördüyünüz kimi, fərqli araşdırmalar content managament-də rənglərin nə qədər önəmli olduğunu və paylaşım edərkən rənglərlə bağlı bir daha düşünməyə məcbur edir.

Yaxşı bəs content ilə rənglərin yolu harda kəsişir? Yazının bu hissəsinə qədər “marka” anlayışı nə idisə,markaların yolu rənglər ilə hansı nöqtədə kəsişir vəya kəsişmək məcburiyyətində qalırdısa, “content”-i də bir marka olaraq düşündükdə rənglərlə bağlı münasibətin fərqli olmadığını görə bilərik. Hətta “content”-in markaya görə avantajı odur ki,hər hansı markanın loqoaunun və ya tamamilə rəngində dəyişikliyə getməyi hər zaman asan olmaya bilər. Bu tip dəyişikliklər marka nüfuzı zərər verə bilər.  Amma test etmək və nəticələri analiz etmək hər zaman ” Content Marketing”-in təbiətində var. Buna görə də paylaşımlarla rəngləri test edib ən uyğun rəngi marka üçün seçmək olar. “Buyer Persona”larınızın hansı rənglərə necə reaksiya verdiklərini rahatlıqla test edib təyin edə bilərsiz.


Keyfiyyətdən qaçış

Category : Böhran , Marketinq , Satış

İçində olduğumuz vəziyyətdə,müştəri davranışları ilə bağlı doğru təsbitdə olmaq şirkətlərin əsas problemlərindən və vəzifələrindən biridir.Əsasən də böhran şəraitində,elədə yaxşı vəziyyətdə olmayan şirkətlər müxtəlif strategiyalarla müştərilərin diqqətini çəkməyə daha çox diqqət etməyə başlayıblar.Devalvasiyadan sonra,iqtisadiyyata köklü təsir edən böhrandan istehlakçılar fərqli şəkildə təsirləniblər.Bu təsir,xərclərin sayının azaldılması şəklində ola biləcəyi kimi, endirimli mallara istiqamətlənmək,keyfiyyəti ikinci plana atıb ucuz mallar alınması kimi də özünü göstərə bilir.Böhran şəraitində,istehlakçıların keyfiyyətli mallardan qiymət baxımından daha uyğun mallara yönəlməsi görünən bir haldır.

İlkin Manafovun  Procter and Gamble və Bəhrəm Bağırzadə  analizini oxuduqdan sonra bu mövzuya  da toxunmaq istədim.İstehlakçının ucuz mallara yönəlməsi,keyfiyyətsiz,heç bir gigiyenik standartlara önəm vermədən istehsalatla məşğul olan kiçik firmalara da fürsət yaradıb. P&G kimi qlobal bir şirkətin bunu öncədən sezib “Keyfiyyət sərfəlidir. Özün sına” kampaniyasını başlatmağı təbii ki təqdirə layiqdir.Niyə qlobal şirkət olduğunun da cavabını vermiş olub sanki bu kampaniya ilə.Marketlərin və ya satış nöqtələrinin qiymətə əsasən alış etdiyinə görə bu tip şirkətlərin sayı artmağa davam edəcəkdir.“Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında” qanun da bir növ buna və bu tip şirkətlərə stimul və rahatçılıq verəcək.Brend mallar satan və keyfiyyəti əsas tutan firma və mağazalar məcburən bu tip haqqsız rəqabətlə baş çıxarmağa çalışarkən,bir çoxu artıq bazardan çəkilir.Buna ən yaxşı nümunə Neftçilər prospekti,günü-gündən boşalan mağazalar və artan  “For Sale” elanlarıdır.

Amma bir reallıq var ki,digər sektorlarla müqayisədə böhranın ən az hiss edildiyi sektor və hətta deyərdim yüksəlişə keçən sahəsi qida sektoru və FMCG-dir.Təsadüfü deyil ki, son aylarda ən çox artım göstərən iş yerləri günü gündən bir yenisi açılan supermarket şəbəkələridir.Bu hiss etmək elədə çətin deyil,gün ərzində facebook newsfeed-inizə baxsaz bu tərkibli xəbərlərin özününüz şahidi ola bilərsiz.Metro və tv reklamlarının böyük hissəsi də bu sektorlara aiddir.Reklam xərclərində azalma olsa da liderlik bu sektorlara aiddir.Bu sektordan daha çox fərqlənənlər isə Süd məhsulları, Yağ və Çaydır. Satış olaraq isə daha çox makaron və tum ön plana çıxa bilər.

Böhranın ən ağır hiss edildiyi bir digər sahə isə kişi geyimi sahəsidir. Evin əsas ehtiyaclarını qarşılamaq kişinin öhdəliyi olduğu üçün,məcbur qalmadıqca özü üçün alış-veriş etmir.Buna yenə də təkrarçılıq kimi çıxsa da Neftçilər prospekti boyu kişi geyim mağazalarını nümunə göstərə bilərik.Qadınlarda da vəziyyət buna oxşar olsa da onlar dodaq və dırnaq boyası kimi maliyyəti az amma fərqlilik yarada bilən malları alaraq alış-veriş həvəslərini ölüdürə bilirlər.